Me er ANSA
ANSA er samskipnaden for norske studentar i utlandet. Sidan 1956 har vi arbeid for å vareta norske utanlandsstudentars interesser og informera om studiemoglegheiter i utlandet.
-
ANSAs medlemmer
-
Sentrale tillitsvalde
-
Tilsette
-
Kjernedokument
-
Presse Siden er på bokmål
-
Det politiske arbeidet vårt Siden er på bokmål
Du reiser aldri åleine
ANSA (Association of Norwegian Students Abroad) jobbar for norske utanlandsstudentar, og arbeidet vårt er variert. Vi gir mellom anna gratis rettleiing og informasjon om studium i utlandet til alle som ønskjer det, og gir tryggleik, råd og støtte til studentar som har reist ut.
Informasjonssenteret vårt er ein nasjonal og offentleg støtta teneste som tilbyr nøytral rettleiing. Vi representerer ingen land eller universitet, og vil aldri tilrå éin studiestad framfor eit anna.
ANSA arbeider politisk for å fremja utanlandsstudentars interesser, og arrangerer ei rekkje faglege og sosiale arrangement i Noreg og rundt om i verda. Med ANSA reiser du aldri åleine!
Politisk og organisatorisk arbeid
ANSA jobbar politisk og organisatorisk for at norske utanlandsstudentars faglege, økonomiske, sosiale og kulturelle interesser skal bli varetekne. Me jobbar for å skapa forståing for at utanlandsstudentar representerer ein stor ressurs i samfunnet i kraft av den internasjonale erfaringa og kompetansen deira.
Partipolitisk nøytral
ANSA er ein partipolitisk nøytral interesseorganisasjon med stor gjennomslagskraft. Vi har eit godt forhold til alle parti på Stortinget, og jobbar tett med Lånekassen og utdanningsstyresmakter i Noreg. Vi jobbar kontinuerleg med ulike politiske saker for å fremja interessene til utanlandsstudentane.
Folka i ANSA
ANSA er ingenting utan medlemmene! Rundt omkring i verda finst det tusenvis av medlemmer som held organisasjonen levande. Dei er i meir enn 90 ulike land og er fordelte på over 1200 studiestader. Me har meir enn 500 engasjerte tillitsvalde som arrangerer samankomstar og driftar ANSA ute i verda.
Slik er ANSA-medlemmer organiserte
ANSA har fleire enn 10 000 medlemmer rundt omkring i verda. Over 500 av desse er engasjerte tillitsvalde som deg, som er organisert i landsstyre, regionar og lokallag. Dei held organisasjonen levande gjennom å halda arrangement og drifta ANSA ute i verda.
ANSA Alumni er ein sosial og fagleg møteplass for tidlegare utanlandsstudentar. Nettverket bidreg til ein betre overgang mellom studiar og jobb.
ANSA gir rom, nettverk og midlar til fleire utval. Utvala samlar studentar frå ei viss fagretning eller rundt eit prosjekt.
- ANSA Veterinær
- Akuttmedisinsk gruppe
- ANSA Students Help Students
Dei sentrale tillitsvalde
ANSAs sentrale tillitsvalde er medlemmer som har vorte valde til å fylla verv for å vareta organisasjonens og medlemmenes interesser.
Dei sentrale tillitsvalde er presidenten, hovudstyret, kontrollkomiteen og valkomiteen, Alle blir valt på ANSAs årlege generalforsamling.
Tilsette
Ved ANSAs hovudkontor i Oslo jobbar presidenten og ein liten gjeng heiltidstilsette. Dei tilsette utgjer sekretariatet og hjelper gjerne om det er noko du lurar på. Sekretariatet er fordelt på informasjonssenter, medlemsservice, sosialrettleiing, web, administrasjon, arbeidsliv, politikk og kommunikasjon.
Arrangementer i ANSA
ANSA arrangerer faglege og sosiale aktivitetar over heile verda, og arbeider for at studiekvardagen skal bli så bra som mogleg for norske utanlandsstudentar. Ute i verda kjem medlemmer saman og arrangerer alt frå pubkveldar og quiz til større arrangement som fagseminar og 17. mai-feiringar.
Vi er også opptekne av at medlemmene våre skal få ein fin overgang til arbeidslivet når dei er ferdige med å studera, anten dei reiser tilbake til Noreg eller jobbar i utlandet.
ANSA arrangerer årlege karrieredagar både i Noreg og i utlandet, der du som skal søkja jobb kan møta moglege arbeidsgivarar.
ANSA har eit stort nettverk beståande av noverande og tidlegare utanlandsstudentar. Vi sit på mykje kunnskap og erfaring om korleis det er å vera student i utlandet og kva utfordringar du kan støyta på når du kjem heim og skal byrja å jobba.
ANSA Juvenarte er ANSAs årlege mønstring for noverande og tidlegare norske studentar innan kunst og design. Målet med Juvenarte er å skapa ein fellesskap og nettverk for norske utanlandsstudentar innan utøvande kunstfag. Kvart år kårar ein jury to vinnarar av kvart sitt stipend. Juryen består av profesjonelle, utøvande kunstnarar.
ANSA Juvenarte bidreg til å setja søkjelyset på dei fantastiske talenta som studerer og har studert på ulike stader i heile verda og gi dei ein utstillingsarena heime i Noreg.